لہور ہائیکورٹ دے جج نال بدتمیزی کرن والے وکیل نوں6مہینے قید دی سزا

لہور(پنجابی میڈیا)چیف جسٹس لہور ہائیکورٹ ملک شہزاد احمد خان نے وڈھا فیصلہ سناندیاں ہویاں ہائیکورٹ دے جج نال بدتمیزی کرن والے وکیل نوں6مہینے قیددی سزا دا حکم جاری کردتا۔چیف جسٹس نے توہین عدالت دا جرم ثابت ہون اُتے ایڈووکیٹ زاہد محمود گورائیہ نوں جیل گھلن دا حکم دے دتا تے 1لکھ روپے جرمانہ وی عائد کردتا۔عدالت نے وکیل ولوں کارروائی عیدوں بعد تک ملتوی کرن دی استدعا مسترد کردتی۔ جسٹس سلطان تنویر نال بدتمیزی کرن والے وکیل نے چیف جسٹس سامنے ہتھ جوڑ دیاں ہویاں آکھیا کہ میں عدالت توں معافی منگدا ہاںچیف جسٹس نے 3 گواہاں دے بیان قلمبند کیتے۔ صدر لہور ہائیکورٹ بار نے وی وکیل نوں معاف کرن دی استدعا کردتی۔ چیف جسٹس نے آکھیا کہ صدر صاحب معافی اللہ توں منگومیں کمزور آدمی ہاں۔جسٹس سلطان تنویر احمد نے ایڈووکیٹ زاہد محمود گورائیہ دے خلاف چیف جسٹس نوں توہین عدالت دا ریفرنس گھلیا جس وچ آکھیا گیا کہ زاہد محمود گورایہ جسٹس سلطان تنویردی عدالت وچ چیخدے چلاندے رہے، اونہاں نے عدالت تے بینچ بارے نہایت توہین آمیز تے بے بنیاد الزام عائد کیتے۔