صدرمملکت آصف زرداری دی سکھ برداری نوں بیساکھی دی مبارکباد

اسلام آباد(بیورورپورٹ)صدرمملکت آصف علی زرداری نے سکھ برداری نوں بیساکھی دی مبارکباد پیش کیتی اے۔بیساکھی اُتے اپنے پیغام وچ صدر مملکت آصف زرداری دا کہنا سی کہ بیساکھی دا تہوار امن وسلامتی،خوشیاں تے محبت دا پیغام دیندااے، پاکستان نوں اپنے ثقافتی ورثے وچ تنوع اُتے فخر اے۔اونہاں نے آکھیاکہ پاکستان سکھ برادری دی سہولت لئی ہر ممکن اقدام کرے گا، پاکستان اقلیتاں تے اونہاں دے حقوق توں تحفظ دین لئی پرعزم اے۔صدر مملکت دا ہور کہنا سی کہ ملک پاکستان دی ترقی وچ اقلیتاں دے کردارنوں قدر دی نگاہ نال ویکھیا جاندا اے۔