عالمی بینک داسوہائیڈروپاورمنصوبے لئی1ارب ڈالرقرضہ دیوے گا

اسلام آباد(بیورورپورٹ)عالمی بینک2,160میگاواٹ دے داسو ہائیڈروپاور پراجیکٹ لئی 1 ارب ڈالر دا قرضہ فراہم کرے گا، ایس میگا پراجیکٹ دی تعمیر پاکستان وچ سستی بجلی فراہم کرن لئی انتہائی ضروری اے۔حکومتی ذرائع دا کہنا اے کہ عالمی بینک دا بورڈ آف ڈائریکٹر جون وچ ایس قرضے دی منظوری دیوے گا، جدکہ ایس توں پہلاں مئی دے تریجے ہفتے وچ ایس دی منظوری دین دا آکھیا گیا سی ۔عالمی بینک دی منصوبے بارے دستاویزاں وچ آکھیا گیا اے کہ اوہ ری کسنٹرکشن اینڈ ڈیولپمنٹ لئی اپنے انٹرنیشنل بینک تے انٹرنیشنل ڈیولپمنٹ ایسوسی ایشن ذریعے ہور1 ارب ڈالر فراہم کرے گا، ایہ عالمی بینک ولوں تریجی وڈھی فنانسنگ اے۔ایس توں پہلاں عالمی بینک ابتدائی کماں لئی588.4 ملین ڈالر تے ٹرانسمیشن لائناں دی تنصیب لئی700 ملین ڈالردی منظوری دے چکیا اے۔