ایف بی آر نے ٹیکس نادہندگان دے خلاف ایکشن دی تیاری مکمل کر لئی

لہور(بیورورپورٹ)فیڈرل بورڈ آف ریونیو (ایف بی آر)نے ٹیکس نادہندگان دے خلاف ایکشن دی تیاری مکمل کر لئی۔ذرائع مطابق کجھ دناں تک ٹیکس نادہندہ تاجراں تے صنعت کاراں نوں حتمی نوٹس مل جان گے، جنہاں تاجراں تے صنعت کاراں نوں نوٹس گھلے جان گے اونہاں دا رہن سہن، شاہانہ خرچے اونہاں دے ٹیکس ڈیٹا نال مطابقت نہیں رکھدا، اینہاں تاجراں دا ٹیکس کجھ ہزار جدکہ سالانہ آمدنی کروڑاں وچ اے۔ذرائع دا کہنا اے کہ بیشتر تاجراں تے صنعتکاراں نے کئی پلاٹ لے رکھے نیں تے اونہاں دے بیرون ملک وی بزنس نیں، کئی وار اینہاں تاجراں تے صنعتکاراں نوں پورا ٹیکس دین دا موقع فراہم کیتا گیا۔ذرائع دا کہنا اے کہ لہور دی اکبری منڈی، شاہ عالم مارکیٹ، اعظم کلاتھ، انارکلی تے لبرٹی دے تاجراں دی فہرست تیار کر لئی گئی اے جدکہ مال روڈ، گلبرگ، فیروز پور روڈ، ماڈل ٹائون تے ہوران علاقیاں دے تاجراں دیاں فہرستاں وی تیارنیں۔