فی الحال اجے ویاہ دا کوئی اراداہ نہیں،مہوش حیات

لہور(پنجابی میڈیا)پاکستانی شوبز انڈسٹری دی نامور اداکارہ مہوش حیات نے آکھیا اے کہ اوہ فی الحال ویاہ لئی ذہنی طور اُتے تیار نہیں ہاں۔مہوش حیات دے نجی ٹی وی نوں دتے گئے اک پرانے انٹرویو دا کلپ سوشل میڈیا اُتے وائرل ہو رہیا اے جس وچ اینہاں نوں مختلف موضوعاں سنے ویاہ بارے گل بات کر دیاں سُنیا جا سکدا اے۔پروگرام دے دوران گل بات کر دیاں ہو یاں مہوش حیات نے ویاہ بارے گل بات کر دیاں ہویاں آکھیا کہ مینوں کئی وار ویاہ دی پیش کش کیتی جا چکی اے، لیکن اونہاں نے ایہ واضح نہیں کیتا کہ اونہاں نوں کیہڑے کیہڑے لوکاں نے ویاہ دی پیش کش کیتی۔اداکارہ دا کہنا سی کہ میں فی الحال ویاہ لئی ذہنی طور اُتے تیار نہیں ہاں لیکن جدوں وی ویاہ کراں گی تے کجھ عرصے لئی شوبز توں دوری اختیار کر لاں گی۔