پرویزالہی سنے میں،میری اولاد تے گھر والے بانی پی ٹی آئی دے نال نیں:قیصرہ الہی

گجرات(بیورورپورٹ)مرکزی صدرتحریک انصاف چودھری پرویز الہی دی گھر والی قیصرہ الہی نے آکھیا اے کہ پرویز الہی سنے میں، میری اولاد تے میرے گھر والے سب بانی پی ٹی آئی دے نال نیں۔پی پی 32 گجرات دی الیکشن مہم دوران کنجاہ وچ خطاب کر دیاں ہویاں قیصرہ الہی نے آکھیا کہ لوکاں نوں غلط فہمی سی کہ اینہاں مشکلاں دے بعد شاید چودھری پرویزالہی بانی پی ٹی آئی دا ساتھ چھڈ دیون گے۔قیصرہ الہی نے آکھیا کہ لوگ کہندے سن کہ چودھری پرویزالہی اپنے رشتہ داراں دیاں گلاں وچ آ کے بانی پی ٹی آئی دا ساتھ چھڈ دیون گے۔اونہاں نے آکھیا کہ چودھری پرویز الہی دا ایسے لوکاں لئی پیغام اے کہ میں بانی پی ٹی آئی دا ساتھ کیوں چھڈ دیاں؟ اونہاں نے آکھیا کہ 1ورھے توں چودھری پرویزالہی بانی پی ٹی آئی دے نال کھڑے ہون پاروں تکلیفاں برداشت کر رہے نیں لیکن اونہاں دا ساتھ نہیں چھڈیا۔