اسلام آباد وچ بیٹھے بابیاں دی سوچ نے ملک نوں غریب کیتا ہویا اے،آصف زرداری

گڑھی خدا بخش(بیورورپورٹ)صدر مملکت آصف علی زرداری نے آکھیا اے کہ پاکستان غریب ملک نہیں، اسلام آباد وچ بیٹھے بابیاں دی سوچ نے ملک غریب کیتا ہویا اے۔ذوالفقار علی بھٹو دی 45 ویں برسی اُتے جلسے نال خطاب کر دیاں ہویاں آصف علی زرداری نے آکھیا کہ بی بی شہید نے مینوں پیپلزپارٹی داچیئرمین بنایا سی، کجھ دوست سمجھدے سن کہ میں پارٹی نوں نہیں چلا سکاں گا۔صدر مملکت دا کہنا سی کہ ساڈھے نصیب وچ نہیں لکھیا کہ پاکستان غریب ملک اے، پاکستان نوں ہر قسم دی دولت اللہ نے دتی ہوئی اے،ساڈھے کول دماغ دی کمی اے، ساہنوں سب کجھ سوچنا تے سمجھنا ہوئے گا۔