نوازشریف دا اے سی اتروان والے اج مظلومیت کارڈ مت کھیڈن،عظمی بخاری

لہور(پنجابی میڈیا)وزیر اطلاعات پنجاب عظمی بخاری نے آکھیا اے کہ میاں نوازشریف دا اے سی اُتروان والے اج مظلومیت کارڈ مت کھیڈن۔رہنما پی ٹی آئی بیرسٹر سیف دے بیان اُتے رَدعمل د یندیاںہو یاں عظمی بخاری دا کہنا سی کہ عمران خان جیل وچ بادام، پستے، کاجو، کافی تے دیسی مرغی توںفائدہ چُک رہے نیں، عمران خان لئی6سیل وَکھ توں خالی کرائے گئے نیں۔اونہاں نے آکھیا کہ8مہینیاں وچ بانی پی ٹی آئی نے288افراد نال ملاقاتاں کیتیاں، عمران خان نال اونہاں دی فیملی تے اونہاں دے وکیل ہفتے وچ 3،3 دن ملاقات کر دے نیں، میاں نوازشریف نال صرف ہفتے وچ اک دن جمعرات نوں ہی ملاقات دی اجازت ہندی سی۔لیگی رہنما دا کہنا سی کہ عمران خان تے بشری بی بی لئی ساریاں اوہ سہو لتاں میسر نیں جیہڑیاں وی وی آئی پی نوں ملدیاں،میاں نوازشریف دا اے سی اتروان والے اج مظلومیت کارڈ مت کھیڈن۔