عمران ریاض سرکار وچ مداخلت دے کیس توں ڈسچارج، عدالتی حکم اُتے رہا کر دتا گیا

لہور( پنجابی میڈیا) لہورکینٹ کچہری نے یوٹیوبر تے اینکرپرسن عمران ریاض نوں کار سرکار وچ مداخلت دا مقدمہ توں ڈسچارج کر دتا، عدالتی حکم دے بعد اینکرپرسن نوں رہا کر دتا گیا۔پلس نے اج صحافی عمران ریاض نوں جسمانی ریمانڈ لئی عدالت وچ پیش کیتا سی،پلس نے موقف اپنایا کہ ملزم نوں ایف آئی آر وچ نامزد ہون اُ تے پچھلے دناں گرفتار کیتا گیا، ملزم دی نشاندہی اُتے ہور ملزماںنوں گرفتار کیتا جانا اے، لہذا ملزم دا10 دن جسمانی ریمانڈ منظور کیتا جائے۔وکیل میاں علی اشفاق نے جسمانی ریمانڈ دی درخواست دی مخالفت کر دیاں ہویاں آکھیا کہ عمران ریاض اُتے درج مقدمہ جھوٹا تے بے بنیاد اے۔بعد وچ جوڈیشل مجسٹریٹ نے عمران ریاض دے ریمانڈ بارے فیصلہ محفوظ کر لیا، کجھ دیر بعد فیصلہ سنا ندیاں ہو یاں اینکر پرسن نوں مقدمے توں ڈسچارج کر د تا۔