مریم نواز نال ارکان اسمبلی دی ملاقات، فیلڈ ہسپتال تے کلینک آن ویلز پراجیکٹ نوں سراہیا

لہور(پنجابی میڈیا)وزیراعلی پنجاب مریم نوازشریف نال مختلف ضلعیاں توں تعلق رکھن والے ارکان صوبائی اسمبلی نے ملاقات کیتی ۔ملاقات کرن والیاں وچ سعود مجید، رکن صوبائی اسمبلی ملک خالد محمود، عدنان افضل چٹھہ شامل سن، ارکان اسمبلی نے فیلڈ ہسپتال تے کلینک آن ویلز پراجیکٹ نوں سراہیا تے وزیر اعلی مریم نواز شریف نوں 100دناں وچ عوامی فلاح وبہبود دے منصوبیاںاُتے خراج تحسین پیش کیتا۔ایس موقع اُتے ارکان اسمبلی نے وزیر اعلی مریم نوازشریف نوں اپنے حلقیاں دے مسائل تے لوڑ توں آگاہ کیتا۔ارکان اسمبلی دا کہنا سی کہ فیلڈ ہسپتال تے کلینک آن ویلز پراجیکٹ نال عوام نوں دہلیز اُتے ریلیف مل رہیا اے۔مریم نواز نے آکھیا کہ فیلڈ ہسپتال تے کلینک آن ویلز دادائرہ کارودھا رہے ہاں، شعبہ صحت دے امور دی دن رات مانیٹرنگ کر رہی ہاں، پنجاب بھر دے بنیادی صحت مرکزاں دی اپ گریڈیشن آخری مرحلے وچ اے۔