مناسک حج شروع، فضا لبیک الھم لبیک دی صداواں توں معطر

مکہ مکرمہ(نیوزڈیسک) مناسک حج دی ادائیگی داآغاز ہو گیا۔مناسک حج دے پہلے مرحلے وچ لکھاں عازمین لبیک الھم لبیک دی صدااُچی کر دیاں ہو یاں منی لئی روانہ ہوگئے جیتھے اوہ ٹھہرن کرن گے۔ عازمین حج بساں ذریعے منی پہنچن گے۔حج دا رکن اعظم وقوف عرفہ اج ہوئے گا ۔لکھاں فرزندان توحید منی وچ ٹھہرن دے دوران عبادت کرن گے تے ہفتے نوں صبح وقوف عرفہ لئی میدان عرفات روانہ ہون گے عرفات وچ حج دا خطبہ سنن دے بعد ظہر تے عصر دی نماز ملا کے ادا کیتی جائے گی۔ مغرب توں پہلاں حجاج کرام مزدلفہ وَِل روانہ ہون گے تے اوتھے مغرب تے عشا دی نماز اکٹھی پڑھن گے۔ مزدلفہ وچ حجاج کرام رمی جمرات لئی کنکریاں اکھٹیاں کرن گے ۔اتوار دی صبح حجاج کرام واپس منی روانہ ہون گے تے رمی جمرات کرن گے جس دے بعد قربانی دتی جائے گی تے عازمین دا فریضہ حج مکمل ہو جائے گا۔