ہن بڈھیاں تے بیماراں لئی اسمارٹ لاک ڈاؤن ہوئے گا: عمران خان

اسلام آباد: وزیر اعظم عمران خان ہوراں آکھیا کہ ہن بڈھیاں تے بیماراں لئی اسمارٹ لاک ڈاؤن ہوئے گا،احسان پروگرام ولوں 3 وڈے قدم چُک رہیے آں،اوہناں آکھیا کہ ساڈی عوام خیرات دیون دا بوہت جذبہ رکھدی اے ،جد لوکاں نوں اعتماد ہو جائے گا کہ اوہناں دا پیسہ بلکل ٹھیک جگہ جا رہیا اے تو اوہ دل وڈا کر کے خیرات دیون گے،شوکت خانم دی تعمیر لئی مینوں امیراں تو ودھ کے غریباں نے پیسے دتے ،میرے ریلیف فنڈ وچ وی 50فیصد لوکاں سے پیسہ دتا کیونکہ اورآخرت تے اللہ اُتے بھروسہ رکھدے نیں،عمران خان ہوراں آکھیا کہ کہ کورونا دی وجہ نال پاکستان اندر لاک ڈاؤن کیتا گیا ،صوبے میتھوں پوچھ دے تے کہ کدی وی ایس طرح دا لاک ڈاؤن نہ ہوون دیندا، ایہہ فیصلہ کردیاں ہوئیا کہ ایس کم نال لوکاں تے کیہ اثر پوئے گا،جد تک ایسی ایہہ نہ سوچاں گے کہ دیہاڑی دار تے چھابڑی والا کیتھوں کھائے گا ،چین تے یورپ نوں ویکھ کہ ساریاں کہہ دتا کہ بیماری پھیل گئی اے تے ایسی سخت لاک ڈاؤن کر دتا،مینوں بوہت گلاں دا ساہمنا کرنا پیا ،لیکن شکر اے کہ میں گل سُن لئی تے میں اپنے اُتے دباؤ دا سامنا کردیاں ہویا سخت لاک ڈاؤن نہیں کیتا