اسلام آباد ہائیکورٹ: آئل کمپنی دی ایف آئی اے نوں کاروائی توں روکن دی استدعا رد

اسلام آباد: اسلام آباد ہائی کورٹ نے پٹرولیم مصنوعات دی ذخیرہ اندوزی تے حکومتی کاروائی دے خلاف عرضی تے وزارت توانائی توں 25جون نوں جواب طلب کر لیا۔ عدالت نے ایف آئی اے نوں کاروائی توں روکن لئی آئل کمپنی دی استدعا رد کر دتی۔ اسلام آباد ہائی کورٹ دے چیف جسٹس اطہرمن اللہ نے فریقین دے دلائل دے بعد نوٹس جاری کیتے۔ چیف جسٹس نے ریمارکس دتے سرکار دی کجھ ذمہ داریاں نیں تے اوہ عوام نوں جوابدہ اے۔ فیول سپلائی وچ خلل اے تے ایگزیکٹو نوں انکوائری دا اختیار اے۔ عدالت نے وزارت توانائی، اوگرا، فیول کرائسز کمیٹی تے ایف آئی اے نوں 25جون لئی نوٹس جاری کردیاں سماعت ملتوی کر دتی۔