لبیک اللھم لبیک دیاں صداواں ، مناسک حج دی محدود پیمانے اُتے ادائیگی دی شروعات

مکہ مکرمہ: لبیک اللھم لبیک دی صدا وچ مناسک حج دی محدود پیمانے نال ادائیگی دی شروعات کر دتی گئی، عازمین حج خصوصی کمپلیکس اندر ٹھہرن گے ، حج دا سب توں وڈھارکن وقوف عرفہ کل ادا کیتا جائے گا تے غلاف کعبہ دی تبدیلی وی کل ہوئے گی ۔عازمین حج نے قر نطینہ ختم کر کے احرام دی حالت وچ طواف کیتا ، مسجد الحرام وچ سماجی فاصلہ برقرار رکھن لئی مخصوص نشان لا دتے گئے ، عازمین حج منی وچ خصوصی کمپلیکس اندر ٹھہرن گے ، جیتھے اوہ ذکر و اذکار تے عبادتاں کرن گے ۔عازمین حج کل صبح فجر توں بعد میدان عرفات جاون گے ، جیتھے حج کارکن اعظم وقوف عرفہ ادا کرن گے ، یوم عرفہ لئی مسجد نمرہ وچ عازمین لئی مخصوص نشان لائے گئے نیں ۔سارا دن عرفات وچ قیام توں بعد مغرب دی اذان تو بعد حجاج مزدلفہ روانہ ہو جاون گے ، جیتھے نماز مغرب تے عشاء اکٹھی ادا کیتی جائے گی ، ساری رات مزدلفہ اندر کھلے میدان تے پہاڑاں اُتے قیام ہوئے گا ، اللہ دے10مہمان ذی الحج نوں فجر دی نماز توںبعد منی جاون گے ، جیتھے اوہ شیطان نوں کنکریاں مارن توں بعد قربانی کرن گے ، تے سر توں بال لواکے احرام کھولن گے تے فیر طواف زیارت ہوئے گا ۔