دہری شہریت معاملہ، وزیراعظم دی معاون خصوصی تانیہ ایدروس مستعفی

اسلام آباد: وزیراعظم دی معاون خصوصی برائے ڈیجیٹل پاکستان تانیہ ایدروس نے استعفیٰ دے دتا۔ سماجی رابطے دی ویب سائٹ اُتے ٹویٹ کردیاں وزیراعظم عمران خان دی معاون خصوصی برائے ڈیجیٹل پاکستان تانیہ ایدروس آکھیا میری دہری شہریت پاروں ریاست اُتے تنقید کیتی جا رہی اے جہدے نال ڈیجیٹل پاکستان دا مقصد پھکا پے رہیا اے۔ تانیہ ایدروس آکھیا عوام دے وسیع تر مفاد وچ بطور معاون خصوصی وزیراعظم دے عہدے توں مستعفی ہون دا فیصلہ کیتا اے تے اپنا استعفیٰ جمع کروا دتا اے پر دیس دی خدمت تے وزیراعظم عمران خان دے وژن نوں اپنی قابلیت موجب جاری رکھاں گی۔