اپوزیشن نوں نیب قوانین تے این آر او نہیں دے سکدے بھاویں سرکار چلی جائے: شبلی فراز

اسلام آباد: وفاقی وزیر اطلاعات شبلی فراز دا کہنا اے اپوزیشن نوں نیب قوانین تے این آر او نہیں دے سکدے بھاویں سرکار چلی جائے۔ شبلی فراز دا کہنا اے ساڈی کارکردگی دے سب توں بہترین جج پاکستان دے عوام نیں، تحریک انصاف دی سرکار دا فوکس عوام دے حقیقی مسئلیاں اُتے اے، پاکستان تحریک انصاف دی ٹیم وزیراعظم عمران خان دی قیادت وچ متحد اے، وزیراعظم دی قیادت وچ نویں پاکستان وچ صرف دیانتداری تے ایمانداری دی سیاست ہووے گی۔ وزیراعظم عمران خان دی قیادت وچ نواں پاکستان اگے ودھ رہیا اے جد کہ میرٹ دی حکمرانی تحریک انصاف دی سرکار دا طرۂ امتیاز اے۔ شبلی فراز آکھیا اپوزیشن دا بیانیہ پٹ چکیا تے عوام نوں پٹے ہوئے مہریاں توں کوئی دلچسپی نہیں، سیاسی یتیم پاکستان دی سیاست توں آؤٹ ہو چکے نیں۔ اپوزیشن نوں نیب قوانین تے این آر او نہیں دے سکدے بھاویں سرکار چلی جائے تے تحریک انصاف دی سرکار نے معیشت نوں گرداب توں کڈھن لئی ٹھوس اقدامات کیتے نیں۔