ایہ چاہندے نیں ایہناں نوں این آر او دے دیئے، بھاویں دیس گرے لسٹ وچ چلا جائے: مراد سعید

اسلام آباد: مراد سعید آکھیا اے اپوزیشن نوں این آر او نہیں ملے گا، زرداری دے جے آئی ٹی کیس نوں استثنیٰ نہیں دیواں گے، ایہ پارلیمنٹ نوں نوازشریف، شہباز شریف تے حواریاں دے کرپشن دا دفاع کرن لئی استعمال کردے نیں، ایہ چاہندے نیں ایہناں نوں این آر او دے دیئے، بھاویں دیس گرے لسٹ وچ چلا جائے۔ وزیر مواصلات مراد سعید نے قومی اسمبلی وچ اظہار خیال کردیاں آکھیا شاہ محمود وضاحت دینا چاہندے نیں، ایہناں وچ سنن دی ہمت نہیں، ترامیم پیش کرن والے سارے دے سارے نیب زدہ نیں، شہباز شریف نے منی لانڈرنگ کیتی تے چوری دا پیسہ باہر گھلیا، ایہناں دے ڈاکے دی وجہ توں پاکستان گرے لسٹ وچ آیا، ایہ چاہندے نیں ایہناں نوں جعلی اکاؤنٹس کیس وچ این آر او مل جائے۔ مراد سعید دا کہنا سی اپوزیشن اراکین وچ ساڈی گل سنن دی ہمت نہیں، اپوزیشن اراکین چاہندے نیں چوراں نوں معاف کیتا جائے، فرزند زرداری نے شوگر مافیا دی گل کیتی، شوگر مافیا وچ آصف زرداری دا ناں اے، این آر او پلس نہیں ملے گا، ایہناں دا احتساب ہووے گا۔