نیب نے2سو ایکڑ اراضی کیس وچ مریم نواز نوں 11اگست نوں بلا لیا

لہور( بھلیکھا ٹی وی ) نیب نے مریم نواز نوں200ایکڑ اراضی غیر قانونی طور تے اپنے نام انتقال کراون دے الزام اندر11اگست نو ں بلا لیا مریم نواز دے نام رائے ونڈ وچ200ایکڑ زمین دی منتقلی دے حوالے نال نیب نے سابق ڈی سی او لہور نورالامین مینگل تے سابق ڈی جی ایل ڈی اے احد چیمہ توں وی تحقیقات دا فیصلہ کیتا اے ۔2014ء وچ رائے ونڈاندر مریم نواز دے نام200ایکڑ زمین منتقل کیتی گئی جد کہ100کنال زمین شہاز شریف تے100کنال زمین نواز شریف دے نام علیحدہ توں منتقل کیتی گئی ، زمین منتقلی وچ ایل ڈی اے دے قواعد ضوابط نوں نظر انداز کیتا گیا ۔ شریف خاندان دی زمین دے ارد گرد تعمیرات نوں روکن لئی اراضی نوں گرین لینڈ قرار دتا گیا ۔