وزیر اعلیٰ پنجاب آٹے ، چینی دے ریٹ ودھن اُتے غصے وچ آگئے : کارروائی دا حکم

لہور( بھلیکھا ٹی وی ) وزیر اعلیٰ پنجاب نے آٹے تے چینی دے ریٹ ودھن اُتے شدید غصے دااظہار کیتا ، تے اوہناں نے ذخیرہ کرن والے تے ناجائز منافع کماون والیاں دے خلاف قانونی کارروائی دا حکم دے دتا ۔وزیر اعلیٰ پنجاب عثمان بزدار نے ہدایت کیتی کہ آٹے تے چینی دی قیمت ودھاون والیاں دے خلاف کارراوئی کیتی جائے گی ، محکمہ خوراک آٹے تے چینی دی مناسب سپلائی نوںہر قیمت اُتے یقینی بناوے ، آٹے تے چینی دی دستیابی وچ کسی وی قسم داتعطل برداشت نہیں کراں گا ۔عثمان بزدار نے عبد العلیم خان نوں ڈویژنل ہیڈ کوارٹر ز دے دورے کرن دی ہدایت کردیاں ہوئیاں آکھیا کہ سینئر وزیر آٹے چینی دے سٹاک ، سپلائی تے ریٹ دا جائزہ لیون ، ایس ضمن وچ ہفتہ وار رپورٹ وزیر اعلیٰ دے آفس جمع کروائی جائے ، صوبہ وچ سرکاری ریٹ توں ودھ چینی تے آٹا ویچن دی اجازت نہیں دتی جائے گی ۔