پانی دی لڑائی اُتے ہمسائے نے ہمسائے نوں مار دتا

کراچی ( بھلیکھا ٹی وی ) گلستان جوہر بھتائی آباد وچ پانی دی لڑائی اُتے ہمسائے نے ہمسائے نوں موت دے منہ وچ گھل دتا ۔تفصیل دے مطابق سچل دے علاقے گلستان جوہر بھتائی آباد دروٹ نمبر ڈی تھری منی بس دے آخری سٹاپ دے قریب گلی نمبر3وچوں اک بندے دی لاش ملی جس نوں چھریاں مار کے قتل کیتا گیا سی ۔اطلاع ملن اُتے پولیس موقع تے پہنچ گئی تے لاش اپنے قبضے وچ لے لئی تے ایدھی ایمبولینس دے ذریعے عباسی شہید اسپتال گھل دتی ، سچل تھانے دے ہیڈ محرر نے آکھیا کہ مقتول دی شناخت 25سالہ جان محمد ولد دین محمد دے نام تو ں ہوئی اے ۔مقتول نو ں اوس دے ساہمنے والے گھر وچ رہن والے وسیم کھوسو ولد ذولفقار کھوسو نے پانی بھرن دے تنازع اُتے لڑائی دے دوران قتل کیتا اے ۔