کورونا دے دوران بیرون ملکاں وچ پھسے پاکستانیاں دی واپسی دا آپریشن مکمل

اسلام آباد: کورونا دے دوران بیرون ملکاں وچ پھسے پاکستانیاں دی واپسی دا آپریشن مکمل ہو گیا اے۔ کرائسز مینجمنٹ یونٹ ولوں جاری کیتی تفصیلات دے مطابق کورونا دے دوران بیرون ملکاں وچ پھسے پاکستانیاں دی واپسی دا آپریشن مکمل ہو گیا اے۔ دنیا بھر توں 3لکھ 4ہزار توں ودھ پاکستانی وطن واپس اپڑے جہناں وچ 4ہزار 329پاکستانی زمینی رستیاں دے ذریعے وطن واپس اپڑے۔ خصوصی فلائٹاں دے راہیں 2ہزار تبلیغی بندے1326زائرین سنے بیرون ملک جیلاں وچ قید 1745پاکستانیاں دی خصوصی فلائٹ آپریشن دے تحت واپسی ہوئی۔ دستاویز دے مطابق یو اے ای توں 1 لکھ 54 ہزار توں ودھ پاکستانی، سعودی عرب توں 63595، قطر توں 17 ہزار، اومان توں11729,بحرین توں 4469ترکی توں 6339، برطانیہ توں 7122 امریکا توں 1702 چین توں 25250، کویت توں 2314 تے کرغزستان توں 8110 پاکستانیاں نوں وطن واپس لیایا گیا۔دستاویزدے مطابق افغانستان توں 4098 ایران توں 1080، بھارت توں 418، افغانستان توں 2987 تے ایران توں 924 پاکستانیاں دی زمینی راستے توں واپسی ہوئی۔