پاکستان دا سیاسی نقشہ گوگل، یاہو سنے سارے سرچ انجنز نوں گھلن دا فیصلہ

اسلام آباد: پاکستان نے نویں سیاسی نقشے نوں اقوام متحدہ تے او آئی سی سنے گوگل، یاہو تے سارے سرچ انجنز نوں گھلن دا فیصلہ کیتا اے۔ پاکستان نے نویں سیاسی نقشے نوں اقوام متحدہ تے او آئی سی سنے سارے دوجے عالمی فورمز تے گھلن دا فیصلہ کیا اے، ایہدے علاوہ سیاسی نقشہ گوگل تے یاہو سنے سارے سرچ انجنز نوں گھلیا جائے گا۔ سفارتی ذرائع دے مطابق سیاسی نقشے وچ عالمی قوانین تے دوطرفہ معاہدیاں دی روشنی وچ بیرونی حد بندی واضح کیتی گئی اے تے بھارتی دعویاں دی وی نفی کیتی گئی اے۔ واضح رہوے وزیراعظم عمران خان نے دیس دا سیاسی نقشہ جاری کیتا سی جہدے وچ مقبوضہ کشمیر نوں پاکستان دا حصہ ظاہر کیتا گیا اے، ہن پورے دیس دے تعلیمی اداریاں دے نصاب سنے ہر تھاں نویں جاری کیتے نقشے دا استعمال کیتا جائے گا۔