احساس ایمرجنسی کیش دے تحت ہن تک 169ارب روپے توں ودھ رقم تقسیم

احساس ایمرجنسی کیش دے تحت دیس بھر دے 1کروڑ 40لکھ 5ہزار توں ودھ مستحقین وچ ہن تک 169ارب 36کروڑ روپے توں ودھ رقم تقسیم کیتی جا چکی اے۔ وزارت سماجی تحفظ و تخفیف غربت ولوں جاری تفصیلات دے مطابق احساس ایمرجنسی کیش پروگرام دے تحت ہن تک سندھ وچ 43لکھ 90ہزار توں ودھ بندیاں وچ 52ارب 91کروڑ روپے، پنجاب وچ 62 لکھ 15 ہزارتوں ودھ بندیاں وچ 75 ارب 18 کروڑ روپے، خیبرپختونخواوچ 23 لکھ 32 ہزارتوں ودھ بندیاں وچ 28 ارب 30 کروڑ روپے، بلوچستان وچ 6 لکھ 78 ہزارتوں ودھ بندیاں وچ 8 ارب 23 کروڑ روپے، گلگت بلتستان وچ 1 لکھ توں ودھ بندیاں وچ 1 ارب 22 کروڑ روپے، آزادکشمیر وچ 2 لکھ 19 ہزار توں ودھ بندیاں وچ 2 ارب 68کروڑ روپے جد کہ اسلام آباد وچ 68 ہزار توں ودھ بندیاں وچ 82 کروڑ روپے توں ودھ رقم تقسیم کیتی جاچکی اے۔