لُٹ مار ایسوسی ایشن نے عثمان بزدار دی نیب طلبی اُتے طوفان کھڑا کر دتا ؛ فیاض الحسن

لہور( بھلیکھا ٹی وی ) فیاض الحسن چوہان نے آکھیا کہ لُٹ مار ایسوسی ایشن نے عثمان بزدار دی نیب وچ طلبی اُتے طوفان کھڑا کر دتا ، شراب لائسنس دا اختیار صرف ڈی جی ایکسائز دے کول اے ۔
وزیر اطلاعات پنجاب فیاض الحسن چوہان نے ہور آکھیا کہ ڈی جی ایکسائز نے لائسنس جاری کیتا ، ڈی جی ایکسائز نے فائل وزیر اعلیٰ سیکرٹریٹ گھلی ، وزیر اعلیٰ سیکرٹریٹ نے فائل واپس گھل دتی ، ڈی جی ایکسائز دا جاری لائسنس معطل کر دتا گیا ، ایس سارے معاملے وچ عثمان بزدار اُتے کرپشن تے اختیارات دے ناجائز استعمال کرن دا الزام سمجھ تو باہر اے ، وزیر اعلیٰ پنجاب نیب دے ساہمنے قابل احترام انداز وچ پیش ہوون گے تے سارے سوالاں دے جوان دیون گے ۔