سونا غریباں توں دُور ہو گیا

لہور ( بھلیکھا ٹی وی ) سونا غریباں دی پہنچ توں دُور ہوون لگ پیا ، پورے ملک وچ ہفتے دے آخری دن فی تولہ2500ودھ گیا ۔ تفصیل دے مطابق بین الاقوامی مارکیٹ وچ فی اونس سونے دی قیمت اندر4امریکی ڈالر ودھی ، جس توں بعد عالمی سطح اُتے سونے دی قیمت 2ہزار54امریکی ڈالر ہو گئی اے ۔بین الاقوامی مارکیٹ وچ ریٹ ودھن توں بعد ملک دی صرافہ مارکیٹاں لہور ، کراچی ، اسلا م آباد ، پشاور ، کوئٹہ ، حیدر آباد ، سکھر، راولپنڈی تے ہو ر جگہاں اُتے فی تولہ سونے دی قیمت وچ2ہزار500روپئے دا ودھا ویکھیا گیا ، جس توں بعد فی تولہ سونے دی قیمت 1لکھ32ہزار روپئے ہو گئی اے ۔