سرکار صنعتی شعبے دی ترقی تے بھرپور توجہ دے رہی اے: وزیراعظم

لہور: وزیراعظم عمران خان آکھیا اے سرکار صنعتی شعبے دی ترقی تے بھرپور توجہ دے رہی اے۔ وزیراعظم عمران خان اک دروزہ دورے تے لہور اپڑ گئے جتھے اوہناں نال وزیراعلیٰ پنجاب سردار عثمان بزدار نے ملاقات کیتی جہدے وچ پنجاب دی صورتحال، ترقیاتی منصوبیاں سنے مجموعی صورتحال تے تبادلہ خیال کیتا گیا۔ عمران خان نے پنجاب وچ اتحادی جماعتاں دے مسئلیاں تے عثمان بزدار توں رپورٹ لئی۔ وزیراعظم نال فیصل آباد دے ارکان قومی اسمبلی، وزیر قانون راجہ بشارت تے دوجیاں نے وی ملاقاتاں کیتیاں۔ایس موقع تے وفاقی وزیر اطلاعات سینیٹر شبلی فراز، مشیر مرزا شہزاد اکبر موجود سن۔وزیراعظم عمران خان آکھیا سرکار صنعتی شعبے دی ترقی تے بھرپور توجہ دے رہی اے، کاروباری طبقے تے تعمیرات سیکٹر نوں مراعات نال ترقی آئے گی، چھوٹے تے درمیانی درجے دے کاروبار دے فروغ لئی وی اقدامات کر رہے آں، صنعتی شعبے تے کاروباری سرگرمیاں دے فروغ لئی وفاقی سرکار ہر ممکن تعاون کرے گی۔