سرکار نے باہمی معاونت بل منظور کرکے ملکی خود مختاری دا سودا کر دتا: سراج الحق

اسلام آباد: امیر جماعت اسلامی سراج الحق آکھیا اے باہمی معاونت بل دیس نوں ہمیشہ لئی آئی ایم ایف تے ورلڈ بینک دا غلام بنا دیوے گا۔ سینیٹر سراج الحق نے پارلیمنٹ دے مشترکہ اجلاس وچ منظور کیتے میوچل لیگل اسٹنٹس کریمنل میٹرز (ایم ایل اے) ترمیمی بل 2020ء تے ردعمل وچ آکھیا اے ایہ بل پاکستان نوں ہمیشہ لئی آئی ایم ایف تے ورلڈ بینک دی غلامی وچ دین لئی پاس کیتا گیا جہدے وچ پیپلزپارٹی تے (ن) لیگ نے ماضی دی طرح سرکار دے خاموش سہولت کار دا کردار ادا کیتا۔ سراج الحق آکھیا عالمی دباء تے قنون سازی ملک و قوم دے مفاد وچ نہیں، سرکار مشاورت کردی اے تے نہ ای رائے عامہ دا احترام کیتا جاندا اے، پی ٹی آئی نے ہمیشہ وڈی پارٹیاں دے نال کجھ لوو تے کجھ دیو دا معاملہ کرکے معاملات طے کیتے نیں، سرکار نے کجھ ڈالراں دے عوض ملکی آزادی تے خود مختاری دا سودا کیتا اے، اسیں ایس بل نوں رد کرنے آں۔