بابری مسجد شہادت کیس وچ بھارتی عدالت دا متنازع فیصلہ : سارے ملزم چھڈ دتے

نویں دہلی ( بھلیکھا ٹی وی ) ہندو تو اکی پر چارک نام نہاد سیکولر بھارت وچ بابری مسجد شہادت کیس دا فیصلہ سنا دتا گیا۔سی بی آئی کی خصوصی عدالت تے سارے ملزم چھڈ دتے ۔سیکولر بھارت دے منہ اُتے اک ہور کالا دھبہ ، بابری مسجد شہادت کیس دے سارے ملزم چھڈ دتے ۔بھارت وچ رہن والے اقلیتی تصویر بن کے رہ گئے ، تاریخی بابری مسجد منہدم نہیں ہوئی ، شہید کیتی گئی ۔ساری دُنیا دی میڈیا نے مسجد دی شہادت دی کوریج کیتی لیکن ہندو توا کی پر چار ک تے انتہا پسند مودی حکومت دے نال نال بھارتی انصاف دے ایواناں وچ بیٹھے منصفاں دے منہ اُتے بابری مسجد دی شہادت دے ذمہ دار ملزماں دی بر بریت اک سیاہی بن گئی ۔ بابری مسجد دی شہادت دا فیصلہ سی بی آئی دے جج سریندر کمار یادو نے عدالت وچ سنایا ۔جج سریندر کمار یادو نے فیصلے وچ آکھیا کہ 28سال پہلاں بابری مسجد دا انہدام کسی باقاعدہ منصوبہ بندی دے تحت نہیں کیتا گیا ۔ ایس لئی سارے ملزم چھڈے جا رہے نیں ۔بابری مسجد دے انہدام دی پہلاں توں منصوبہ بندی دے کوئی ثبوت نہیں ملے ،نامزد ملزماں دے ملوث ہوون دے ٹھوس شواہد نہیں ملے