گیس دے میٹر دا ماہانہ کرایہ20توں 40کر دتا گیا

اسلام آباد ( بھلیکھا ٹی وی ) اقتصادی رابطہ کمیٹی نے گیس ڈویلپمنٹ سر چارج دے22ارب روپے صارفین توں وصول کرن دی منظوری دے دتی ۔ گیس دے میٹر دا ماہانہ کرایہ20تو40کر دتا گیا ۔اسلام آباد وچ مشیر خزانہ حفیظ شیخ دی زیر صدارت ای سی سی دا اجلاس ہو ئیا ، اجلاس وچ قدرتی گیس دے گھریلو صارفین لئی بری خبر اے کیونکہ ای سی سی نے گیس میٹراں دا کرایہ ودھا کے 20توں40کر دتا ۔ صارفین توں گیس انفراسٹر کچر ڈیویلپمنٹ سیس دے پرانے واجبات وی وصول کرن دا فیصلہ کیتا گیا اے ۔