حکومت دا ٹائی ٹینک ڈُبن والا اے ، سراج الحق

لہور ( بھلیکھا ٹی وی ) امیر جماعت اسلامی سراج الحق نے آکھیا کہ حکومت دا ٹائی ٹینک ڈُبن والا ہے ، مصنوعی آکسیجن اُتے حکومت زیادہ دیر تک قائم نہیں رہ سکدی ، وزیر اعظم دے بیانات ناکامی دا اعتراف نیں ، لہور وچ جاری بیان وچ امیر جماعت اسلامی سراج الحق نے آکھیا کہ عمران خان نے ہتھ کھڑے کر دتے نیں ، مہنگائی نے عوام دا جینا حرام کر دتا اے ، حکومت نے کشمیر دا سودا کر لیا اے ، عوام توں گلاں لوکائیاں جا رہیاں نیں ۔اوہناں نے آکھیا کہ دوناں آکھاں نہ کھلن تے اک آکھ وی بند ہو جائے گی ، موجودہ حکومت نے سٹیٹس نوں توڑن دی بجائے ہور مضبوط کیتا اے ۔اوہناں نے آکھیا کہ موجودہ دور حکومت وچ کرپشن ودھ گئی اے ، پہلاں ناجائز کم لئی رشوت دینی پیندی سی ، ہن جائز کم لئی وی رشوت دینی پیندی اے ۔