کراچی وچ پی ڈی ایم دا دُجا جلسہ ، باغ جناح وچ160فٹ لمبا سٹیج تیار

کراچی(بھلیکھا ٹی وی )کراچی وچ پاکستان ڈیموکریٹک موومنٹ دے جلسے دی تیاری مکمل کر لتی گئی، ساریاں جماعتاں ولوںاج باغ جناح وچ سیاسی پاور شو کیتا جائے گا۔
حکومت نوںگھر گھلن دا مشن، پی ڈی ایم اج شہر قائد وچ طاقت وکھائے گی۔ پیپلز پارٹی جلسے دی میزبانی کرے گی۔ باغ جناح وچ160فٹ لمبا تے60فٹ چوڑا اسٹیج تیار کر لیا گیا۔ جلسہ دی جگہ اُتے پیپلز پارٹی، جے یو آئی، ن لیگ، اے این پی دے کارکناں اُتے جوش دکھائی رہیا اے۔
ہوراں شہراں توں سیاسی رہنما آن لگ پئے نیں، مسلم لیگ ن دی رہنما مریم نواز اج کراچی پہنچ رہی اے،اوہ کراچی پہنچدے ہی مزار قائد اُتے حاضری دئے گی جس توں بعد ریلی دے نال باغ جناح گرائونڈ پہنچے گی۔پی ڈی ایم دے سربراہ مولانا فضل الرحمان پچھلی شام ہی کراچی پہنچ گئے ، قمرالزماں کائرہ سمیت ہور اپوزیشن رہنما وی اج دوپہر کراچی پہنچن گے۔