مزار قائد دی حرمت نوں ٹھیس پہنچان دی اجازت نہیں دیاں گے: شبلی فراز

پشاور( پنجابی میڈیاگروپ)وزیر اطلاعات شبلی فراز دا کہنا اے کہ بابائے قوم دے مزار اُتے کیپٹن ریٹائرڈ صفدر تے مریم نواز دی ہلڑ بازی دی مذمت کردے آں، ایس گل نوں بھول جان کس نے گرفتار کیتا، ایہ ویکھن کہ جرم دی نوعیت کیہ اے، مزار قائد دی حرمت نوں ٹھیس پہنچان دی اجازت نہیں دیاں گے۔پشاور وچ شبلی فراز نے میڈیا نال گل بات کر دیاں آکھیا کہ کانفرنس وچ اپوزیش جماعتاں نوں تنقید دا نشانہ بنادیاں ہوئیاں پاکستان وچ بنارسی ٹھگاں دا ٹولہ اکٹھا ہویا اے، بنارسی ٹھگاں دا ٹولہ پاکستان نوں پیچھے رکھنا چاہندا اے، ایہ2طبقے تے قوتاں دی جنگ اے، ایہ عناصر کرپشن تے چوری دے تحفظ لئی اکٹھے ہوئے نیں۔ ایہ عناصر اپنی لٹ مار تے کرپشن دا تحفظ چاہندے نیں، ذاتی مفاد لئی ملکی وسائل نوں لٹیا گیا، اوہناں نے ہر ادارے اچ اپنے سہولت کار بٹھائے، سارے اداریاں نوں بتدریج تباہ کیتا گیا۔