اوکاڑہ وچ افسوسناک حادثہ، مکان دی چھت ڈگ گئی، 4بچے جاں بحق، 3زخمی

اوکاڑہ: گیمبر دے نواحی پنڈ وچ زیر تعمیر مکان دی چھت ڈگ گئی جہدے نتیجے وچ چار معصوم بچے جاں بحق جد کہ 3زخمی ہو گئے جہناں نوں ہسپتال منتقل کر دتا گیا۔ زیر تعمیر مکان دی چھت تے ملبہ رکھیا ہویا سی جہدا بھار چھت برداشت نہ کر سکی تے زمین بوس ہو گئی، حادثہ دے نتیجے وچ 4بچے جاں بحق ہو گئے۔

جاں بحق ہون والیاں وچ 4سالہ عدیل، 3سالہ ایمان فاطمہ، 2سالہ صدیقہ تے پنج دن دی معصوم نومولود بچی شامل اے۔اطلاع ملن تے ریسکیو 1122دی 3ایمبولینساں، فائر تے ریسکیو وہیکلز فوری طور تے جائے حادثہ تے اپڑیاں، ریسکیو ٹیماں نے پیشہ وارانہ مہارت دا مظاہرہ کردیاں ہوئیاں ملبے تھلے دبن والے متاثرین نوں کڈھ لیا، بالاں تے خاتون نوں ابتدائی طبی امداد فراہم کردیاں ہوئیاں ڈی ایچ کیو سٹی ہسپتال منتقل کر دتا۔ جتھے بچے دم توڑ گئے۔