بلاول بھٹو وزیراعلی پنجاب اُتے تنقید توں پہلاں سندھ نوں ویکھن: فیاض الحسن

لہور( پنجابی میڈیا گروپ )فیاض الحسن چوہان نے آکھیا اے کہ بلاول بھٹو نوں وزیراعلی پنجاب اُتے تنقید توں پہلاں سندھ نوں ویکھنا چاہیدا اے، بلاول بھٹو نوں وزیراعلی سندھ دی نا اہلی تے بیڈ گورننس نظر نہیں آئی۔وزیر اطلاعات پنجاب فیاض الحسن چوہان نے اپنے بیان وچ آکھیا کہ گندم خریداری تے کورونا دے خلاف جنگ اچ ناکامی نے سندھ حکومت دی نااہلی اُتے مہر ثبت کر دتی اے، رہی سہی کسر مزار قائد اُتے کیپٹن صفدر دی ہلڑ بازی دے خلاف درج ایف آئی آر وچ مراد علی شاہ دے اعتراف نے پوری کر دتی، محمد صفدر دی گرفتاری دے معاملے وچ مراد علی شاہ نے تسلیم کیتا سندھ انتظامیہ تے آئی جی اُت اوہناں دا کوئی کنٹرول نہیں۔فیاض الحسن چوہان دا کہنا سی کہ دُجے پا سے سوا دو ورھیاں دی تریخ عثمان بزدار دی عوام دوست پالیسیاں نال بھری ہوئی اے، وزیر اعلی عثمان بزدار انتہائی دیانتداری، خلوص تے جہد مسلسل نال پنجاب دی خدمت وچ مصروف نیں۔