بیگم صفدر اعوان ملکہ ٹویٹر، صرف سوشل میڈیا دی لیڈر نیں: فیاض الحسن چوہان

لہور( پنجابی میڈیا گروپ )فیاض الحسن چوہان نے آکھیا اے کہ مکس اچار پارٹی تماشہ، آشہ تے بھاشا دے آسے پاسے گھوم رہی اے، مکس اچار پارٹی صفدر اعوان دی بے توقیری اُتے چیخ رہی اے، بیگم صفدر اعوان ملکہ ٹویٹر اے، صرف سوشل میڈیا دی لیڈر اے، ایہ نیب کیساں تون جان چھڈوانا چاہندے نیں۔وزیر اطلاعات پنجاب فیاض الحسن چوہان نے میڈیا نال گل بات کر دیاں آکھیا کہ میں دعوی کرنا واں مریم نواز تے کیپٹن(ر)صفدر الگ الگ کمروں وچ سن، وزیراعلی سندھ کہہ رہے نیں کہ آئی جی ساڈے کنٹرول وچ نہیں، اوہناں دی غلط فہمی اے کہ شاید کوئی ڈیل ہو جائے۔ اوہناں نے آکھیا کہ نواز شریف بن بلائے مودی دی تقریب حلف برداری وچ گئے، بھارتی سٹیبلشمنٹ نواز شریف دی شرکت دے حق وچ نہیں سن، نواز شریف نے مودی دی تقریب وچ رلت توں بعد حریت رہنماں نال ملاقات نہیں کیتی، نواز شریف نے سجن جندال نال ملاقات نوں ترجیح دتی۔