غزل

عظمت نصیب

کُجھ کُجھ سُکھڑے تے عذاباں ورگے نیں
سراب نیں ِجنے وی آباں ورگے نیں
زہر نیں ایسے وی جیون ونڈدے نیں
تریاق بڑے نیں جو تزاباں ورگے نیں
آس نوں پیندے تے ساہواں چٹدے نیں
ہونٹ جہناں دے وی گلاباں ورگے نیں
دُھند وچ ڈُبے نیں منارے منزل دے
راہ نیں جنے وی سراباں ورگے نیں
پنچ تے پرہیا دی مرضی کہہ دیوے
کلیک جو متھے دے محراباں ورگے نیں
ُکوڑ دے امرت وی بدمشکے پانی نیں
سچ دے پانی جو شراباں ورگے نیں