غزل

جاوید عارف

دل د ے تار وی مل جاندے نیں
چنگے یار وی مل جاندے نیں
چنگے لیکھاں دی ایہہ گل اے
کجھ دلدار وی مل جاندے نیں
پھُلاں اُتے ہونٹ جے رکھیے
سولاں‘ خار وی مِل جاندے نیں
سارے جیباں ول نہیں تکدے
سچے پیار وی مِل جاندے نیں
کنی ساڈی عزت کردے
جاندی وار وی مل جاندے نیں
تاج و تخت نصیب دی گل اے
جمدیاں سار وی مل جاندے نیں
رکھ انار نوں سانبھ کے سجنا!
سو بیمار وی مل جاندے نیں
پھُلاں نال جے الفت رکھیے
پھُلاں ہار وی مل جاندے نیں
عارفؔ کیوں مایوس ایں یار
جیون ہار وی مل جاندے نیں