غزل
یٰسین یاس
بندہ کیہڑی لور دے وچ
جا وڑدا اے گور دے وچ
کناِں سوز گداز اے ُلکیا
جھانجر دی اک بور دے وچ
کیسے کیسے کھیکھن کردا
ماہیا اپنی ٹور دے وچ
دسو کسراں جی سکدا اے
بندہ ایڈے شور دے وچ
صدقے جاواں رب کریما
قطب لکایا چور دے وچ
جے نہ رشتے ناطے ہوون
فرق کیہ بندے ڈھور دے وچ
عشق یاسؔ دا گھمبر پاوے
میری اک اک پور دے وچ
Users Today : 172
Users Yesterday : 637
Total Users : 727630
Views Today : 744
Total views : 11604557
Who's Online : 6
