غزل

جاویدعارف

برفاں وانگوں کھر ناں جاواں
راہواں دے وچ مر ناں جاواں
قولاں بارے جی نہیں سکدے
کچے گھڑے تے تر ناں جاواں
روز دا رُسنا چنگا نہیوں
ہجر وچھوڑے جر ناں جاواں
میں راہواں توں ڈردا رہناں
راتاں نوں وی گھر ناں جاواں
اکو گھر دا بوہا ملیا
ہور کسے وی در ناں جاواں
انھیاں گھور ہنیریاں راتاں
ہوراں وانگوں ہر ناں جاواں
جنت دے وچ پھیر میں مولا
جا سکنا واں پر ناں جاواں
عشق شراب وی تھوڑی لگدی
جیون دا گھٹ بھر ناں جاواں
شہر تے عارف چھڈنا پینا
اوہنوں پاگل کر ناں جاواں