عشقے دی جھانجھر

بھپندرپنیوالیا

تیرے عشقے دی جھانجر پاکے
پھِراں میں نچدی گلی گلی
تیری یاد نوں سینے لا کے
پھِراں میں نچدی گلی گلی
عِشق تیرے دِیاں گُجھیاں رمزاں
میں انجانی ہاں مُول نہ سمجھاں
وے کدی سمجھا مینوں توں آکے
پھِراں میں نچدی گلی گلی
عِشق تیرے دی بات اولی
ہوئی پھِراں میں کملی جھلی
گیت تیرے عِشق دے گا کے
پھِراں میں نچدی گلی گلی
عِشق تیرے دے گیت پیارے
روح میری تینوں واجاں مارے
تینوں دِل دے وِچ وسا کے
پھِراں میں نچدی گلی گلی
عِشق تیرے دی ہاتھ نہ کوئی
اکھ تیرے لئی سدا ہے روئی
اِنج مار نہ مینوں تڑپھا کے
پھِراں میں نچدی گلی گلی