ایہ دنیا چھڈ اے آخر جانا

عذراسلطانہ لالہ موسوی

چھڈ غفلت دے او اڑیو
ایہہ دنیا چھڈ اے آخر جانا
بھانویں سَے ورھے آں جیئو
اوڑک اک دن اے مر جانا
چھڈ غفلت دے او اڑیو
دنیا دے کماں اچ رُجھے او
فرضاں نوں کاہنوں بُھلے او
حُکم اللہ دے وی من لے وُو
عملاں نے ای جے کم آناں
چھڈ غفلت دے او اڑیو
زر دولت تے زور والے
بہوں نے مان کریندے
ایہہ دیہاڑے چار ای رہندے
ڈھل دے وانگر نے پرچھاواں
چھڈ غفلت دے او اڑیو
پو لی آں نیگیاں سجائو
دُھپ ککر توں جنڈ ری لُکائو
ذری ایدھر دھیان دھرو
کہ جُثہ کرماں دا ای جے کھانا
چھڈ غفلت دے او اڑیو
جناں پچھے پاپ کمائو
نال دغے سٹاں مکراں دائو
فیض انہاں تھیں وت کی پائو
ہیٹھاں مٹی ہتھیں نے دبانا
چھڈ غفلت دے او اڑیو
شداد فرعون نمرود سن آئے
مردود خدا دی سن سدوائے
رب ناں نشان مٹائے
رہے تے رہ سی رب دا ای ناواں
چھڈ غفلت دے او اڑیو
پڑھو! صلاتاں تے دے او زکاتاں
رکھو روزے حج کرو جے ہن اوقاتاں
چمکا لوئو اپنی براتاں
ویلا فیر نئیں جے ہتھیں اوناں
چھڈ غفلت دے او اڑیو
دل تے رب دے گھار نے ہوندے
دلاں نوں کدی ناں تروڑو
اک دوجے دے حقوں منہ نہ موڑو
اے حق نئیں جے بخشے جانا
چھڈ غفلت دے او اڑیو
درد ونڈاون تے پیار کرن لئی
رب آدم دی اولاد سی وسائی
پوجا کرن لئی نوری سن ودھائی
عذرا دکھیاں دے دُکھ ونڈانا
چھڈ غفلت دے او اڑیو
اے دنیا! چھڈ اے آخر جانا
بھانویں سے ورھے آں جئیو
اوڑک اک دن اے مر جانا