غزل

ڈاکٹر جگتار

ہر موڑ تے صلیباں، ہر پیر تے ہنیرا
پھر وی اسیں رکے نہ، ساڈا وی دیکھ جیرا
پتھر ‘تے نقش ہاں میں، مٹی تے تاں نہیں ہاں
جناں کسے مٹایا، ہندا گیا ڈنگھیرا
کنی کو دیر آخر، دھرتی ہنیر جردی
کنی کو دیر رہندا، خاموش خون میرا
اتہاس دے صفحے تے، تے وقت دے پراں تے
انگلاں ڈبو لہو وچ، لکھیا ہے نام تیرا
ہر کال کوٹھڑی وچ تیرا ہے ذکر ایداں
غاراں چ چاندنی دا، ہووے جویں بسیرا
آ آ کے یاد تیری جنگل غماں دا چیرے
جگنو ہے چیر جاندا، جیوں رات دا ہنیرا
پیراں چ بیڑیاں نے، نچدے نے لوک فیر وی
کیوں ویکھ ویکھ اڈدے، چہرے دا رنگ تیرا
میرے وی پیر چمّ کے، اک دن کہے گی بیڑی
صد شکر ہے کہ آئے، محبوب انت میرا