غزل
حسین شاد
توں سفنا رُت بہار دا
توں موسم نیلی بار دا
تیری اکھیں کجل ٹہکدا
تیرے بلھیں رنگ انار دا
تیری زلف سیاپا شام لئی
تیری ویلا نظر اتاردا
توں جٹی ہیر سیال جہی
تیرا بیلا چیکاں ماردا
اسیں خبراں پئے اڈیکدے
کوئی حال سنا اس پار دا
تیری ونگ لکیر امروز دی
تیرا نقش کمال اتاردا
ایہہ گل اے ڈونگھی سوچ دی
دل شاد سمندر پیار دا
Users Today : 276
Users Yesterday : 637
Total Users : 727734
Views Today : 1064
Total views : 11604877
Who's Online : 6
