گلاب ورگا

امرجیت سنگھ سندھو

نہ نین تکھے کٹار ورگے، نہ کھڑیا چہرہ گلاب ورگا
مگر محبت دے ناں تے ہن وی، کیوں دل دھڑکدے شباب ورگا
جنہاں جوانی نوں مانیاں ہے، اوہ اس حقیقت نوں جاندے نے
نشہ بڑا ہے شراب وچ پر، نشہ نہیں ہے شباب ورگا
ایہہ عاشقاں نوں جے دیندے جیون، تاں روز منگدا اے ماس دل توں
جے عشق اک پل ہے رب ورگا، تاں دوجے پل ہے عقاب ورگا
مہک وی دیندے، ٹہک وی دیندے، تے نال پاؤندا ہے ساڑ سینے
ہے عشق مترا گلاب ورگا، شراب ورگا، تزاب ورگا
ایہہ ٹی وی چینل ایہہ نیٹ، ڈی.جے، ایہہ ریڈیو تے ایہہ فلماں آدک
برے نہ آکھو، مگر انھاں ‘چوں، نہیں ہے اک وی کتاب ورگا
بدن دی گرمی، دماغی چستی، قلم دی کھندک تاں گھٹ گئی ہے
مگر محبت دے ناں تے ہُن وی، کیوں دل دھڑکدے شباب ورگا
ہے یار میرا گلاب ورگا، شراب ورگا، شباب ورگا
عقاب ورگا، کتاب ورگا، جناب سمجھو جناب ورگا
اُڈان اچی تے سوچ ڈونگھی، ہے پختگی وی کلا ‘چ ایسی
کوی تاں ویکھے نے لکھ سندھو، کوئی نہیں پر جناب ورگا