غزل

ارشد منظور

چودھر دی پنڈ بھاری پچھے
اجڑے کئی سرداری پچھے
کلا سی جاگیر دا مالک
لگے سارے ہاری پچھے
جد میں کھول کے تکیا منظر
رب بیٹھا سی باری پچھے
سارے اتھرو ڈْلھ گئے میرے
نیناں دی الماری پچھے
دیس دا حاکم اگے لگیا
لگے چور بزاری پچھے
اپنے گھر دا بْھل گئے رستہ
ویکھو بال مداری پچھے
باقی اتھرو بچدے نیں بس
ہاسیاں بھری پٹاری پچھے
پوٹیاں وچوں لہو پیا ٹپکے
قلماں دی گل کاری پچھے
اپنا آپ گنوانا پیندا
ارشد دنیا داری پچھے