غزل
قیصرمحمودگورایہ
ساڈا پیار اے نِیراں ورگا
دل وچ کُھبے تِیراں ورگا
اوہدا دِتا دُکھ وی جاپے
سکھ دیاں جاگیراں ورگا
اوہدا چیتا روح دی جیبھ تے
ہے مِٹھیاں تاثیراں ورگا
عشق جنون دے آکھے لگنا
لیکھ بدل تدبیراں ورگا
دکھ تے عشق دا ساتھ او یارا
ازلوں سکّے ویراں ورگا
قیصرؔ دا کِند ساڑ کے کیتا
عشق نے حال فقیراں ورگا
Users Today : 304
Users Yesterday : 584
Total Users : 730111
Views Today : 894
Total views : 11614288
Who's Online : 4
