اسیں کِنج دے لوک آں؟

کشمیر یا فلسطین، روہنگیا ہوئے بھارت مسلماناں اُتے مظالم اُتے مجال اے جیہڑا امہ دی قیادت مشترکہ حکمت عملی تیار کر سکدے

آصف عنایت

پوری دنیا دے میڈیا چینلز تے اخباراں حتیٰ کہ سوشل میڈیا اُتے دنیا دے انساناں دی فلسطینیاں نال ہون والے ظلم دے خلاف سراپا احتجاج تے انسانیت نوں سد رہی اے۔ پوری دنیا دے میڈیا توں اگ، قتل و غارت گری، درندگی، حیوانیت توں بد تر انسانیت سوز ظلم جیہڑا فلسطینیاں نال جاری اے دی تصویراں، ویڈیوز ، احتجاج ویکھن نوں ملیا جیہڑا خون دے اتھرو لیا رہیا اے۔ البتہ فرانس دا صدر تے اسرائیلی حاکم جیہڑے ملت انسانی توں باہر نیں ایہناں اُتے ایس دا کوئی اثر نہیں۔ بے بس امہ تے انسانیت اپنے حاکماں ول ویکھ رہی اے۔ ہزارتف اے۔ انج دے بے حس حکمراناں اُتے جیہڑے امت اُتے حکمرانی وی کردے نیں، صیہونیاں تے ایہناں دے ہم نوائواں دی غلامی وی۔ اپنے اخبار تن دن توں ویکھو بس ایس طرح دی مکالمہ بازی ویکھن نوں ملی لندن بھگوڑے جلدی واپس آ جان گے۔ NRO نہیں دیواں گا۔ جہانگیر ترین گروپ عمران دا حامی، پنجاب حکومت نال گلہ مند فلاں بیرون ملک نہیں جائے گا، فلاں اندرون ملک نہیں اآئے گا تے زلفی بخاری چیخ دی صورت بڑھک مار رہیا اے کہ کابینہ میرا ناں ای سی ایل وچ پائے، نواز شریف باہر، مریم تے شہباز نسنا چاہندے نیں۔انکوائری مکمل کرو۔ عدالتی انکوائری (انج دی گل جدوں حکومت بدلے گی تے کدھرے ) بہرحال ہوئے انج دے بیانات، انج دے دعوے ، انج دیاں نفرتاں، انج دیاں بدعنوانیاں کہ سارے اخبار کالم وچ کنج سمو دیواں جد کہ پورا عالم فلسطینیاں لئی تڑپ رہیا اے ۔ ہن نہیں ایہناں نوں ویکھ کے لوک روندے نیں۔ ایہناں دی تے تباہ شدہ عمارتاں دے ملبیاں توں اللہ اکبر دی اوازاں تے اذاناں آ رہیاں نیں۔

موجودہ حکومت ایس دے ترجماناں دا بیان سن پڑھن نوں دل نہیں چاہندا۔ ایہہ کس دنیا وچ وسدے نیں؟ کیہ لوک نیں۔ مینوں ایہناں دی کارکردگی تے دعوے اُتے ببو برام (مرحوم ) دے اک ڈرامہ ’’شرطیہ مٹھے‘‘ جیہڑا پنجابی ڈرامیاں وچ شاید اج تیکر نمبر 1 اُتے ہوئے گا جناب سہیل احمد (عزیزی) دادا عابد خان (مرحوم) باپ جد کہ امان اللہ تے ببو برال نابینا پتر نیں۔بھکاریاں دا گھرانہ اے۔ امان اللہ تے ببو برال بھکاری نیں۔ ایہناں لئی کُڑیاں دے رشتے آندے نیں کالی سیاہ عینکاں لا رکھیاں نیں۔ بہترین پینٹ کوٹ زیب تن نیں۔ رشتہ کران والا پچھدا اے کہ منڈے نابینا تے نہیں؟ امان اللہ تے ببو برال ایس تھاں اُتے تیزی نال چکر لانا شروع کر دیندے نیں۔ سیڑھیاں چڑھدے اتردے نیں امان اللہ کہندا اے کون کہندا اے اسیں انھے آں کون کہندا اے اسیں انھے ببو برال مزید تشریح کردا اے۔ انجھ سانوں نظر ای نہیں آئوندا (سانوں اونج نظر ای نہیں آندا) لہٰذا کون کہندا اے امہ دی قیادت غیرت مند، دانا، جری، امیر، عقل کل نہیں بس اونج ایہناں نوں نظر آندا اے۔ غیرت، حمیت ، جرات ، قربانی دے کسے لغت وچ کیہ معانی نیں ایہناں دا تعلق نہیں۔ کیہ اسرائیل توں نفرت ہوئے گی جیہڑی ایران نوں سعودیہ نال اے۔ کیہ بھارتیاں نوں ساڈے نال تے سانوں ایہناں نال نفرت ہوئے گی جیہڑی بنگلہ دیشیاں نوں ساڈے نال اے۔
کشمیر یا فلسطین، روہنگیا ہوئے بھارت مسلماناں اُتے مظالم اُتے مجال اے جیہڑا امہ دی قیادت مشترکہ حکمت عملی تیار کر سکدے ۔ بلاشبہ کجھ خرہیں پر یزید دے لشکر وچ نیں تے حسین دے منتظر نیں جد کہ کربلا دے بعد حسینیت ، حریت، یزیدیت اج تیکر موجود اے جیہڑا اک مکتبہ فکر، طرز زندگی تے نظریے دا ناں اے پر حسینیت قربانی منگدی اے۔حریت ترک دنیا قبول قضا منگدی اے تے یزیدیت وچ مزے نیں خیرو شر، حق و باطل تے ابراہیم ؑ و نمرود، موسیٰ فرعون، آقا کریم ﷺ، کفار و منافقین تے امام حسینؓ و یزید توں چلیا آ رہیا اے۔ ایہہ وکھری گل اے کہ اسیں اپنے اپنے ویلے دے حسینیت دے علمبرداراں نوں خود ای مار دین۔ اوہ ٹیپو سلطان ہوئے یا اج دی تاریخ دے ترکی دے عدنان مندریس، شاہ فیصل، جناب ذوالفقار علی بھٹو، حافظ الاسد، کرنل قذافی، حواری بومدین، یاسر عرفات ہون یا مصر دے محمد مرسی، اسیں کس نوں چھڈیا تے ستم ظریفی ایہہ وے کہ اک دی وی موت براہ راست غیراں دے ہتھوں نہ ہوئی بلکہ اپنیاں دے ہتھاں توں ہوئیاں جیہڑی قوماں، گھرانے اپنے وڈے نوں خود ختم کر دیندے نیں فیر دربدر پھرنا ایہناں دا مقدر ہوندا اے اج دی دنیا وچ امہ اپنی Contribution ویکھیے تے صدیاں پچھے مڑ کے وی کجھ نظر نہیں آندا۔ نفرتاں، مسلکی الجھناں، بے وفایاں، عیاریاں دنیا توں رغبت ویکھیے تے کافر مغرب والے نیں تے مومن اسیں آں جیہڑے دنیا نوں عارضی زندگی سمجھنے آں۔

انصاف مسلم امہ دے ملکاں وچ ناپید اے جد کہ آقا کریم ﷺ نے پہلی ہجرت نجاشی دے ملک حبشہ وچ ایہناں الفاظ دے نال کہ اوہ انصاف کردا اے (مفہوم) صحابہ اکرامؓ نوں گھلیا سی۔ اج ساڈے حکمران قانون سازی جوگے نہیں۔ ایہہ قانون اُتے عمل داری نہیں کر سکدے۔ اپنی قوم دے نال انصاف نہیں کردے۔ سچ نہیں بولدے دنیا ایہناں دے نال انصاف کیوں کرے گی۔ بین الاقوامی ٹاپ ٹین دی یو این او کیوں شرافت دا مظاہرہ کرے گی۔ ایہہ طاقتور ملکاں دی پنجایت اے سارے مسئلے تیجی دنیا، اسلامی دنیا تے غریب ملکاں دے نیں جد کہ جنہاں دا کوئی مسئلہ نہیں اوہ UNO جہے ظالم ادارے تے ایس دے ذیلی برانچاں دے ذریعے سانوں غلام وی بنا رکھن گے تذلیل وی کرن۔
مینوں ہلاکو خان کافر یاد آندا اے جس نے اک قافلہ لٹ جان اُتے اپنی قوم دی اک عورت دی پکار اُتے بغداد نوں جہنم بنا دتا سی۔ دریائے دجلہ لاشاں توں اٹ گیا۔ پانی خون وچ بدل گیا۔ اپنی قوم دی اک کُڑی دی پکار ای سی تے صرف اک قافلہ ای لٹیا سی۔
کرئہ ارض اُتے اج کیہڑا خطہ اے جتھے اسیں دوجے تیجے چوتھے تے کشمیر، فلسطین، روہنگیا وچ انسانی درجے دے شہری وی نہیں۔ ایٹم بم کھا کے جاپان نے دنیا وچ راج کیتا تے ایٹم بم چلان والے امریکہ دا صدر بش مذاکرات لئی جاپان گیا۔ معاہدے دی شرائط سخت سن کے لڑکھڑا کے کرسی توں تھلے ڈگ گیا جد کہ اسیں ایٹم بم بنا کے دربدر نیں، اسیں ایٹم بنان والے نوں سولی، چلان والے نوں جلاوطن، میزائل ٹیکنالوجی دین والی نوں چوک وچ گولی ماردے نیں۔ محمد مرسی نوں دل دی تکلیف وچ دوائی نہیں دیندے تے تڑپدا ہویا مرن دیندے نیں۔اسیں شاہ فیصل نوں گولی مروا دیندے نیں۔ اسیں باہم دشمن نیں۔ ایس دنیا دی تے کوئی گل ای نہیں جنت دوزخ دے فیصلے اسیں کرنے آں۔ اسیں کیہڑے لوک آں۔ ساڈی کیہ پہچان اے۔ دین اک پیغام جس اُتے عمل دنیا دی بادشاہی دیندا اے محض عقیدہ اپنان توں نہیں۔اسلامی ملکاں دے حاکم اپنی اپنی حاکمیت دا جواز دسو؟ عوام وچ انصاف کرو باہم اختلاف رہے پر دشمنی تے ختم کرو۔ فیر دنیا وی ایہناں دی گل سنے گی۔ ساڈے کول بڑا زور اے جی قانون انگریز دا اے بھلے مانسو! جدوں ترمیم وی حاکم اپنی حاکمیت لئی کرے گا تے فیر ایہہ اسلامی کنج ہوئے گا کیہ کسے منافق نوں صدر من لین نال ملک وچ اسلام نافذ ہو جایا کردا اے۔ کیہ آئین توڑ کے کوئی انجات دہندہ بن جایا کردا اے، کیہ محض ریاست مدینہ دا ناں استعمال کر کے کوئی نورالدین زنگی ہویا کردا اے۔ اسرائیلی ٹیکنالوجی مالیاتی تے اثر و رسوخ دے اعتبار نال طاقت ور ضرور ہون گے جد کہ بہادری توں عاری نیں۔ جین دی خاطر مرن لئی تیار رہنا ہوندا اے۔ فلسطینیاں نوں آخر کار اپنی جنگ آپ لڑنی ہوئے گی اسرائیل دے مظالم دا قرض حماس تے حزب اللہ ای چکان گے۔ مسلم ملکاں دے وزرا خارجہ اپنے اپ نے ملکاں دے عوام اُتے پولیٹیکل سکورنگ لئی محض کاروائی پاندے نیں ایہناں اُتے بھروسہ نہیں کیتا جا سکدا۔ غزہ دے معاملے وچ تے وطن عزیز دے فخر پاکستان، ستارہ امتیاز تے ہلال امتیاز جناب ڈاکٹر آصف محمود جاہ نے کمال کر دتا اپنی این جی او ولوں 33 ہزار ڈالر دی نقد امداد فلسطینی بھین بھراواں لئی فلسطینی دے ہتھ نظراں جھکا کے عاجزی نال بطور عطیہ پیش کر دتی جد کیہ (کیہ ہاریاں توں سو سو روپئے نذرانہ لین والا فلسطینیاں لئی اقوام متحدہ توں کجھ لے سکے گا؟) اسیں کردے کیہ آں تے چاہندے کیہ آں اسیں کنج دے لوک آں۔