روشن ڈیجیٹل اکاؤنٹس اک اہم پیش رفت

وقار ملک

انج تے روشن ڈیجیٹل اکاونٹس اک اہم پیش رفت اے جس دے ذریعے اورسیز پاکستانی اپنا سرمایہ محفوظ بنا سکدے نیں تے اپنی ترسیلات دے ذریعے پاکستان دے ذخائر وچ خاطر خواہ وادھا ہوئے گا تے اپنیاں دی مدد کرن تے سارے ترلین دین دے مسائل حل کر سکدے نیں ایسے طرح اوہ دور رہ کے وی کول رہن گے۔ ایس سلسلے و جتھے اورسیز پاکستانیاں نے خاصی دلچسپی دا اظہار کیتا اوتھے پاکستان دے بینکس تے اسٹیٹ بینک آف پاکستان نے وی بھرپور تعاون کیتا تے پاکستان دی ترقی لئی ودھ چڑھ کے حصہ لیا مسلم کمرشل بینک نے تے یورپ برطانیہ دوبئی عرب امارات وچ اپنی دھاک بٹھا دتی ہر سطح اُتے اورسیز نوں روشن ڈیجٹیل اکائونٹس وچ شمولیت کرن اُتے قائل کرن دی حکمت عملی اپنائی تے سب توں زیادہ سہولتاں دین دا یقین وی دلوایا اونج تے سارے ہینکس دے ملازمین اپنے بینک دی ترویج و تری لئی کردار ادا کردے نیں پر ایم سی بی بینک دے ملازمین اپنی تعلیم کردار حسن اخلاق توں برتری حاصل کر چکے نیں جیہڑے دن رات دی محنت نال صرف تے صرف کامیابی ول ای دھیان دیندے نیں تے ترقی ول گامزن نیں بیرون ملکاں وچ مقیم پاکستانیاں نے وی روشن ڈیجیٹل نوں خوش آمدید کہیا تے اپنے اکائونٹ کھلوائے بالکل ایسے طرح پاکستان دے ہائی کمشنر معظم خان نے حکومت دی پالیسیاں دی تشہیر دی برطانیہ دے سارے قونصلیٹ دے ذریعے پالیسی نوں عام کیتا زوم کانفرنس منعقد کیتیاں کمیونٹی دے مسائل حل کرن دے اقدامات کیتے حتیٰ کہ ہن اوریز دی پراپرٹی اُتے قبضہ کرن والیاں دے خلاف کاروائی کرن لئی اک اسپیشل افسر دی تعیناتی توں اندازہ لایا جا سکدا اے کہ برطانیہ وچ پاکستانی ہائی کمشنر کس حد تیکر پاکستان تے اورسیز دے نال مخلص نیں۔
ہائی کمشنر معظم احمد خان نے روشن ڈیجیٹل اکائونٹ دے اقدام اُتے برطانوی پاکستانیاں دی شرکت بوہت حوصلہ نوں خوش آئند قرار دیندے ہوئے کہیا کہ ہن تیکر کھولے گئے اکائونٹ دی تعداد دے معالے وچ برطانیہ سب توں وڈا شراکت دار بن گیا اے۔ ہائی کمشنر نے 20 مئی 2021 نوں روشن ڈیجیٹل اکاونٹ اُتے اک ویبنار وچ خطاب کر رہے سن جس وچ مسٹر رضا باقر، گورنر ، اسٹیٹ بینک آف پاکستان، ڈاکٹر مرتضیٰ سید، ڈپٹی گورنر اسٹیٹ بینک آف پاکستان ، ڈاکٹر شمشاد اختر ، چیئر پرسن پاکستان اسٹاک ایکسچینج، مسٹر علی جمالی سی ای او انڈس موٹرز، مسٹر محسن علی ناتھانی، تے ہائی کمیشن وچ منسٹر ٹریڈ، شفیق شہزاد نے خطاب کیتا تے اورسیز پاکستانیاں نوں ایس دی افادیت و اہمیت توں آگاہ کیتا۔ ہائی کمشنر نے برطانیہ وچ مقیم پاکستانیاں لئی پاونڈ سٹرلنگ دے اکائونٹ کھولن دی اجازت دین اُتے اسٹیٹ بینک آف پاکستان دی تعریف کیتی جس دے بارے وچ ایہناں دا کہنا سی کہ ایس اقدام نال برطانیہ وچ روشن ڈیجیٹل اکائونٹ نوں فروغ دین وچ مدد ملے گی۔ معظم احمد خان نے ہائی کمیشن تے ایس دے چارقونصل خانیاں ولوں برطانیہ وچ روشن ڈیجیٹل اکائونٹ دے بارے وچ معلومات دین لئی آگاہی مہم دے بارے وچ شرکاء نوں آگاہ کیتا۔ ہائی کمشنر نے برطانیہ نوں پاکستان دا اک اہم دوست قرار دیندے ہوئے کہیا، برطانیہ پاکستان دا تیجا سب توں وڈا تجارتی شراکت دار اے، ایہہ سرمایہ کاری دا دوجا سب توں وڈا ذریعہ اے تے پاکستان نوں ترسیلات زر دا تیجا سب توں وڈا ذریعہ اے برطانیہ وچ 6.1 ملین توں زیادہ پاکستانی رہندے نیں۔ ایس مالی ورہے دے پہلے 10 مہینیاں دے دوران ساڈی برآمدات وچ غیر معمولی وادھا ہویا تے پاکستان نے برطانیہ نوں ہن تیکر دی سب توں زیادہ برآمدات گھلیاں نیں۔ برطانیہ آن والی ساڈی ترسیلات زر وچ سال بہ سال بنیاداں اُتے 68 دا وادھا ہویا اے۔ ہائی کمشنر نے اک بینک نوں سیمینار منعقد کران اُتے سراہیا۔ اوہناں نے روشن ڈیجیٹل اکائونٹ نوں کامیاب بنان وچ اسٹیٹ بینک ولوں کیتی جان والی کوششاں دی وی تعریف کیتی تے کہیا کہ اورسیز پاکستانی ملک توں دور رہ کے وی کول ہون گے۔ پاکستان وچ سارے تر معاملات نوں خو ش اسلوبی نال چلان لئی روشن ڈیجیٹل اکائونٹ مددگار ثابت ہوئے گا جیہڑا اک اہم پیش رفت اے۔ حکومت دے ایس اقدام نال اوورسیز پاکستانیاں نے فائدہ چکنا شروع کر دتا اے۔ خاص طور تے ہائی کمیشن ولوں بروقت معلومات دی فراہمی نے وزیراعظم پاکستان دے ایس وژن نوں کامیاب بنان وچ خاطر خواہ کم کیتا جس نال وافر تعداد وچ اکائونٹس کھولے گے اورسیز پاکستانیاں نے دیگر ملکاں دے سفارت کاراں نال وی اپیل کیتی کہ اوہ ہائی کمیشن لندن دی طرز اُتے اورسیز دے پراپرٹی مسائل حل کرن لئی اک اسپیشل ڈیسک بنان تاں جے اپنی سوہنی دھرتی نال پیار کرن والے مشکلات توں باہر نکل سکن تے ایہناں نوں اپنے ملک پاکستان توں ٹھنڈی ہوائواں مل سکن تے اوہ ہور تیز رفتاری نال سرمایہ کاری کر سکن اورسیز پاکستانیاں نے بینک دی انتظامیہ نوں وی خراج تحسین پیش کیتا جنہاں نے روشن ڈیجیٹل اکاونٹ لئی بھرپور معلومات فراہم کیتی تے پوری دنیا وچ مقیم پاکستانیاں دی رہنمائی دی پچھلے دناں بلجیم دے شہر اینٹورپن تے ہالینڈ وچ وی پاک میڈیا سنٹر یو کے یورپ نے اک زوم کانفرنس دے ذریعے وزیراعظم دے ایس مشن دی تکمیل لئی زیر حاصل معلومات دتی تے اورسیز نال اپیل کیتی کہ اوہ پاکستان دی ترقی خوشحالی لئی روشن ڈیجٹیل اکائونٹ کھولن تے روشن ڈی جیٹل سرٹیفکیٹ وی خریدن جس نال ایہناں نوں ایہناں دے خاندان تے پاکستان نوں وی فائدہ ہوئے گا حکومت بینکس نوں زیادہ توں زیادہ سہولتاں فراہم کرے تاں جے ایہہ تجربہ دی بنیاد اُتے عوام نوں گائیڈ کرن جس نال ملک ترقی کرے گا تے اعتماد دی فضا قائم ہوئے گی۔