’’عُودنگر‘‘

رابعہ رحمن

خوشبو انسان دی زندگی وچ بوہت اہمیت رکھدی اے۔ سب توں پہلے اک بچہ ماں دی محبت دی خوشیو پہنچاندا اے۔ خوشبو دے اُتے جے گل کریئے تے گل بوہت دور تیکر چلی جاندی اے، اج میں جس خوشبو دے بارے وچ تہانوں دسنا چاہنی واں ایس دا ناں ’’عود‘‘ اے۔ جسٹس (ر) میاں نذیر اختر دا حمدیہ تے نعتیہ مجموعہ ’’عُودنگر‘‘ میرے ساہمنے اے تے آئو ویکھنے آں کہ اوہناں نے ایس خوشبو دے بارے وچکیہ لکھیا اے۔ عود، مہندی دے پودے وانگوں نکے قد دا درخت اے جس دی لکڑی تے روغن دے بوہت سارے فائدے نیں ایہہ پودا عطریات تے خوشبویات لئی مشہور اے۔ ایہہ خوشبو دار لکڑی جنہوں بطور ’’ بخور‘‘ ساڑیا جاندا اے ایس دی کئی قسماں ہوندیاں نیں۔ سفید، سیاہ، زرد تے ذمہ داری۔ عمدہ قسم دا عود پانی وچ ڈب جاندا اے ایس لئی ایہنوں عود غرقی وی کہندے نیں۔ اسیں جے عود دی تفصیل وچ جائیے تے سانوں اندازہ ہوئے گا کہ خوشبو دی سینکڑاں قسماں وچ ایہہ منفرد خوشبو اے ساڈے کول مغربی پرفیومز دے علاوہ مشک، عنبر، ند، لادن، گلاب، کافور، صندل وغیرہ دی جیہڑی بوہت ساری شکلاں ملدیاں نیں ایہناں وچ عود، عنبر تے صندل نوں ملا کے وی اک مرکب عطر تیار کیتا جاندا اے جنہوں عطر مثلث کہندے نیں۔ ایس طرح عطر ساز مختلف عطریات دی آمیزش تے مرکبات نال ایس دی مختلف تشکیلات Formationsتیارکردے نیں۔عود(Aloes Wood)نال عود افروز ،عود الفرج، عودللیان، عودساز، عود سیمیں، عودقرمز، عودگلابی، عودمثلث،عودنواز جہی کئی لفظی ترکیبات تے خوشبوئی مرکبات بن دے نیں۔ عود دے درخت دی قہوہ رنگ لکڑی جنہوں ساڑن نال خوشبو پیدا ہوندی اے علاج دے علاوہ ایہنوں عطریات سازی وچ وی استعمال کیتا جاندا اے۔ عود دی خوشبو سونگھ دے ای سب توں پہلے حجر اسود تے غلاف کعبہ دا تصور ذہن وچ ابھردا اے۔ عود دے معنوی تلازمات دا اک رخ ایس خوشبو دے ظاہری تے معلوم اواف توں ہٹ کے ایس دے باطنی تے نسبتاً کم معلوم اہمیت تے انفرادیت دے نال ملیا ہویا اے۔ صوفیائے کرام خصوصاً حقائو جُو تے رازیاب صوفیا دے نیڑے عود محض اک خوشبو نہیں ایس توں ودھ کے قدرت دا اک انج دا مظہر (Phenomenon)اے جیہڑا اپنے اندر دلپذیر جذب تے حیرت دا اک جہان رکھدا اے۔ باطنی مشاہدات دی دنیا ظاہری موجودات توں مختلف ہوندی اے تاں ایس مظہر دے بارے وچ ملن والی معلومات دی تصدیق، توثیق مشکل اے پر اک رازیاب صوفی منش خوشبو شناس جیہڑا اک یونیورسٹی وچ پروفیسر نیں ، نے دسیا کہ ایہہ (عود)
1۔ جنت دی خوشبو اے۔
2۔ حضرت آدم علیہ السلام ایہنوں جنت توں لیائے سن تے اوہناں نے ایہنوں ایتھے اگایا سی۔
3۔ ایہہ خوشبو نایاب ا ے۔
4۔ ایہہ (عود) درخت دی لکڑی دا تیل ہوندا اے۔
5۔ ایہہ خوشبو قدرتی تے سب وکھری ؤفات دی مالک اے۔
6۔ ایہہ خوشبو ہوا وچ جنہی اڑدی اے ایس توں زیادہ جسم وچ جذب ہوندی اے۔
7۔ ایہہ خوشبو فضا نوں متاثر کردی اے تے بندے دی وکھری پہچان بناندی اے تے ایس دی شخصیت نوں ابھاردی اے۔
8۔ ایس نال ناپاک شیواں دور نسدیاں نیں تے نیک شے نیڑے آندیاں نیں۔
9۔ ایہہ دل و دماغ، روح تے جسم وچ توازن پید اکردی تے ایہنوں برقرار رکھدی اے تے خیر دی طاقتاں نوں تیز کردی اے۔(یعنی انسان نوں راست زو تے خیر جُو بناندی اے)۔
10۔ شخصیت دے پیچیدہ جوہر نوں کھولدی اے۔
11۔ ایہہ شخصیت دے مطابق اپنی خوشبو دے اثرات چھڈدی اے یعنی بے جان ہوندے ہوئے محض مردم شناس ای نہیں ایہہ خوشبو ایس دے شخصی جوہر دا وی ادراک رکھدی اے یعنی عود استعمال کرن والا اپنے شخصی جوہر تے صلاحیت دے مطابق ای ایس توں فیض یاب ہو سکدا اے۔
12 ایہہ میلیاں دا سفر طے کرن دی صلاحیت رکھدی اے یعنی کجھ اوقات ایس دا تصور اک باصلاحیت انسان ایس دے اثرات توں فیض حاصل کر سکدا اے۔ بقول جاوید لدھیانوی۔
بند کی آنکھ ،حرم جا پہنچے
یہ نئی راہ نکالی ہم نے
یعنی عود شناس محض ایس دے تصور نال ایس دی کیفیت تے خوشبو توں محفوظ ہو سکدا اے۔
13، ایہہ انساناں وچ ہم آہنگی پیدا کرن وچ مدد گار ثابت ہوندی اے۔
14۔ عود تنہائی دا مزہ دوبالا کردا اے ایس دے استعمال نال خلوت سکنیت خیز ہو سکدی اے۔
15۔ ایہہ واحد خوشبو اے جیہڑی بندے نوں چارے پاسے توں گھیر لیندی اے۔
16۔ ایہہ خوشبو تیمارداری وچ شفا دا کم کردی اے۔
17۔ کسے وی محفل وچ لان والے دی شخصیت تے حیثیت نوں فراموش نہیں ہون دیندی۔
18۔ ایس نال وابستہ اک حقیقت ایہہ وے کہ ہر تھاں ایس دے لان والے دا ذکر چنگے الفاظ نال ہوئے گا۔
19۔ عود دی خوشبو استعمال کرن والے دی خود اعتمادی وچ وادھے دا باعث ہوندی اے۔
20 ایہہ سب توں خوبصورت صدقہ جاریہ اے جس نال پوری محفل لطف اندوز ہوندی اے۔
21 ۔ ایہہ خوشبو اک انج دی باطنی قوت Engergyدی حامل اے، جیہڑی اگان والے دی Tunningکردی رہندی اے۔
22۔ ایہہ خوشبو روح آلود خیال اُتے یکساں طور اُتے خوشگوار اثرات پاندی اے۔
23۔ احساس محرومی دے خاتمے دا باعث ہوندی اے۔
24۔ انسان دی روحانی بالیدگی Trans دا سبب بن دی اے۔
25۔ عود دی خوشبو نال وابستہ ساری بھلائیاں، ساری برکتاں تے ساری خوبیاں آپ ﷺ دا فیض نیں۔
26۔آپ ؐنے جس شے نوں چھویا تے استعمال کیتا اوہ لازوال صفات تے خوشبو دی حامل ہو گئی۔
گُل دستہ فیضِ شاہ کوثر کا
حمدِ باری ونعتِ سرور کا
ہے جاذب وپُراثرمجموعہ
عودنگر میاں نذیر اختر کا
عود نگر وچ ایہہ خوبصورت تحریر دل نوں بھا گئی تے سوچیا کہ اپنے قارئین نوں وی ایس خوشبو دے سفر وچ شامل کر لواں۔