اسلامی نظام تے ساڈے حکمران

اک زمانہ سی جدوں دنیا گمراہی دے ہنیریاں وچ ڈبی ہوئی سی تے جہالت ہر پاسے اپنے عروج تے سی

محمد افضل طاہر وزیرآبادی

ایک زمانہ سی جدوں دنیا گمراہی دے ہنیریاں وچ ڈبی ہوئی سی تے جہالت ہر پاسے اپنے عروج تے سی انسان انسانیت دے احساس توں محروم سی رشتیاں دی قدر تے انسانی حقوق دا کسے نوں علم نہیں سی ہر پاسے گمراہی ہی گمراہی سی ماواں بہناں نوں سرعام ویچیا جاندا سی دھیاں نوں زندہ دفن کیتا جاندا سی
فیر جدوں ساڈے پیارے نبی حضرت محمدصلی للہ علیہ والہ وسلم دی ولادت باسعادت ہوئی دنیا تے آپ دی آمد ہوئی تے گمراہی تے جہالت دے ہنیرے ہولی ہولی ختم ہونے شروع ہو گئے انسانیت دا احساس تے رشتیاں دی قدر دا احساس ہونا شروع ہو گیا ساڈے پیارے نبی نیں ہر پاسے اسلام دی تے ایمان دی روشنی نال پورے جگ نوں روشن کر دتا تے مسلمان فیر ترقی دیاں منزلاں طے کرن لگ پئے نبی پاک نے انسانیت نوں زندگی گزارن دا ہر فن دسیا اللہ پاک دے فرمان نوں لوکاں تک پہنچایاایتھوں تک کے حق تے سچ واسطے مسلماناں نے کئی جنگاں کفار یہودو نصارہ دے نال لڑیاں جدے وچ نبی پاک دے ہزاراں صحابہ اکرام شہید وی ہوے پر حق تے سچ توں کدے وی پچھے نہیں ہٹےساڈے نبی پاک پوری دنیا واسطے رحمت اللعالمین بن کے آے جیڑا وی نبی پاک نوں اک واری ویکھ لیندا سن لیندا تے ایمان لیایوں بغیر نہ رہ سکدا پوری دنیا تے کوئی وی بندا اے نہیں کہ سکدا کہ میں آپ دی شان تے تعریف دا حق ادا کر دتا نہیں کوئی وی ایہ حق ادا کر ہی نہیں سکدا بلکہ انسان دے وس اچ نہیں کہ او سرکار دی شان تے آپ دے احساناں دا فرض ادا کر سکے کیونکہ اللہ پاک دی ذات خود نبی پاک دی ذات تے درودو سلام پڑھدی اے حضور نبی اکرم نے اپنی امت بلکہ پوری انسانیت نوں اللہ پاک ولوں ملن والے ہر پیغام توں آگاہ کیتا ایک اللہ دی عبادت کرو شرک توں بچو جھوٹ نہ بولو حقوق اللہ تے حقوق العباد پورے کرو اللہ پاک دی ذات نے نبی اکرم دی ذات تے اپنی کتاب قرآن مجید نوں نازل فرمایا قرآن مجید اللہ پاک دی لاریب کتاب اے جدے ولوں آپ نے فرمایا سی جنے قرآن مجید نوں پڑھیا تے اوہدے عمل کیتا تے او فلاح پا گیا تے جیڑا قرآن پاک تے عمل کر کے ایمان دی حالت وچ دنیا توں گیا تے او جنت وچ جاے گا جیڑا قرآن مجید دا انکار کرے گا ذلت تے رسوائی اوہدا مقدر بن جاے گا حتی کہ نبی پاک نیایک بہترین تے صاف ستھری زندگی گزارن دے سارے عمل دسے جنہاں تے عمل کر کے انسان اپنی زندگی تے آخرت نوں بہتر بنا سکدا اے جنیاں لوکاں نے اللہ تے اللہ دے نبی دے فرمان تے عمل کیتا او لوک فلاح پا گئے تیجنہاں نے انکار کیتا او لوک دنیا تے آخرت وچ ذلیل ورسوا ہو گئے
جدوں قرآن مجید دا مطالعہ غیر مسلم نے کیتا تے اوہنوں قرآن مجید وچ فائدہ نظر آیا تے اوہنے اپنی زندگی دے فائدے لئی قرآن مجید تے عمل کرنا شروع کر دتا تے اوہنے اپنی زندگی وچ ترقی کرنی شروع کردتی مغربی لوکاں نے اپنے سارے قانون تے اصول او اپناے جیڑے اصولاں دا ساڈے نبی پاک نے تے قرآن مجید نے سانوں دسیا مغربی لوکاں نے قرآن مجید تے عمل کرکے اپنی زندگی وچ بڑے فائدے وی لے تے بڑے مغربی لوک قرآن مجید توں متاثرہو کے مسلمان وی ہوگئے
ہن جیکر اسیں لوک اپنی زندگی ول جاتی پائیے تے اسیں مسلمان ہو کے کینا کو اپنے مذہب اسلام تے عمل کرنے آں ساڈاملک پاکستاں جیڑا کہ بنیا ای اسلام دے ناں تے سی تے فیر چاہیدا تے اے سی کہ ایتھے ہر قانون اسلامی ہوندا اسیں مسلمان اپنی زندگی اسلام دے طریقے نال گزاردے جدے نال ساڈی زندگی وی تے آخرت وی سنور جاندی پر بڑے افسوس دے نال اساں لوکاں ہر او کم کیتا ہر او اصول اپنایا جدے توں اللہ نے اللہ دے نبی نے تے قرآن نے منع کیتا سی ایسے لئی ذلت تے رسوائی ساڈہ مقدر بن گئی آج پوری دنیا تے ساڈہ تماشا بنیا اے دوسرے ملک ساڈے ول ویکھ کے ہسدے نیں ساڈے سیاستداناں تے حکمراناں نیں اسلامی قانون اپنان دی بجاے اسلامی قانون تے اصولاں دے خلاف چلدے رہے ہر کم وچ جھوٹ بولنا کٹ تولنا ہر ادارے وچ دھوکا فراڈ سفارش رشوت تے کرپشن ساڈے حکمراناں دی عادت بن گئی اے ساڈہ ملک پاکستان اسلامی ملک ہون دے باوجود ہوری دنیا تے کرپشن وچ اتلے نمبراں وچ آندا اے ساڈے ملج دے ہر حکمران تے کرپشن تے نااہلی دے کیس چلدے نیں ہر ویلے دوسرے ملکاں کولوں منگنا تے قرض لینا ایناں دی عادت بن گئی اے حکمراناں نیں اپنیاں تے جایئداداں بنا لیئاں پر پاکستانی عوام نوں ذلیل کر کے رکھ دتا اے مہنگائی اینی کو یو گئی کہ ماڑی عوام کول خودکشی توں علاو کوئی ہور حل نہیں ریا۔
تے اے سارہ کجھ صرف ایسے لئی ای ہو ریا کہ اسیں مسلمان ہون دے باوجود اللہ تے اللہ دے رسول تے قرآن مجید دے احکامات نوں اپنے پس پشت سٹ دتا اے اسیں اپنے مذہب اسلام توں بہت دور ہو گئے آں اسیں اسلامی اصولاں نوں چھڈ کے تے یہودو نصاری دیاعمال نوں اپنا لیا اے جے اگر اسیں اپنے آپ نوں ٹھیک کرناں چاہنے آں تے فیر سانوں اسلام ول اللہ تے اللہ دے رسول دے فرمان ول واپس آنا پوے گا جدوں اسیں اپنے مذہب ول واپس آجاواں گے تے ترقیاں تے کامیابیاں ساڈہ مقدر بن جان گیاں نیں تے فیر ساڈہ حال ایس توں وی برا ہووے گا اللہ پاک سانوں اپنے دین تے عمل کرن دی توفیق عطا فرماے ساڈے ملک پاکستان دی تے مسلماناں دی خیر فرماے ساڈے حکمراناں نوں نیک ہدائت عطا فرماے آمین